上回寫完化妝品，今次談談潔膚和護膚。
卸妝潔臉
因為每天化妝，卸妝當然重要亦要徹底。我用色素濃度高的粉底，所以每晚洗臉也必會洗兩次，第一次主要是把色素洗掉，洗出來真是一灘黃水，然後再洗一次去清潔毛孔。
我有個潔膚小秘密，就是差不多二十年來，第一次洗臉都是用非常便宜的Body Shop
Tea Tree Facial Wash。這支十幾美元一大瓶的潔臉液，很適合我的混合性皮膚。直到現在已到中年，我每個月週期來前，都會出一兩粒暗瘡，Tea Tree有助控油預防暗瘡。這潔臉液去妝力強，而且只用這個洗臉後皮膚也不會乾，價錢平超值。
洗掉表面的化妝品後，第二次潔臉會用Clarisonic潔臉刷，在刷上加上1) Bliss
Fabulous Foaming Face Wash，或者2) April Skin Magic Stone潔臉皂。前者有很微小的磨沙粒，原本Clarisonic刷不應加任何磨沙用品，但我覺得Bliss的磨沙粒非常細，加了效果也不錯。至於April Skin的魔法潔臉皂，是韓國近來非常流行的潔臉皂，我買來試了，也覺得潔臉能力非常好，用後臉有非常潔淨的感覺。
以上是我平時上班日的落妝潔臉程序，因為我是在洗澡時同時落妝，所以無可避免地會用較熱的水洗臉，大家不要學，但我覺得洗頭髮時臉已被熱水淋透，用不用熱水洗臉都差不多。早上起床我就會用Shiseido的潔臉泡，比較溫和。
至於那瓶王牌Eve Lom潔臉膏，什麼時間用？因為不能在洗澡同時用，我現在已比較少用，可能週末才用，但我認為它仍是市場上最好的落妝潔臉產品。
面膜
我很懶做面膜，有時一星期都不會做一次，最常用的是Bliss Triple
Oxygen Instant Energizing Mask，不是什麼很強的面膜，但因為可以在洗澡時一起用方便。SK-II Mask-in-Motion也易用，拍在臉上即可。Innisfree的火山泥面膜每隔兩三星期一次吧。最少用的應該是Tony Moly的蝸牛面膜，多數是旅行時用，或每一兩個月，記得才用一次。以上幾種面膜都不錯，我少用純粹只是懶。
護膚
相對於做面膜，我放更多心思與金錢在護膚用品上，可能我覺得只要每日潔臉與護膚做得好，不附加什麼問題也不大。
說到護膚品，我已被SK-II寵壞走不回頭了。最初只是用神仙水，早上妝前及晚上潔臉後用。後來要在粉底下加上防曬，就加上它的日間精華Cellumination
Day Surge，這支SPF30++的精華液很好用，三滴已夠全臉用，易吸收不油膩，但不知道為什麼在網上買不到，在香港也只有一些大一點的莎莎才找到。因為之前一支差不多用完，我買了較新出的Facial
Treatment UV Protector，這支防曬度也有SPF25++，暫時未開始用，不過只要不油膩我就滿意。
晚上拍上神仙水後，除了有時繼續用Boot No. 7防皺霜外，我最近開始每晚用SK-II較新出的R.N.A. Power晚霜。這是繼神仙水後，我覺得有最神奇效果的SK-II產品。官方對此介紹是：含革命性Radical New
Age複方及PITERA，鞏固自身膠原蛋白結構，10天緊緻輪廓，肌膚變得更緊實、更飽滿，臉部線條重現年輕立體感。
我沒有用過它們之前的晚霜Stem Power，所以沒法比較。雖然人到中年，但我的皺紋也不明顯，所以也沒法評論它對撫平皺紋的效果。我可以說的是，這瓶R.N.A. Power令我的臉非常滑，是“非常”的程度。
首先，這瓶晚霜質地不太杰，容易吸收不會油膩，可能我只側睡，我有點怕晚上臉油油的。要知道晚霜效果好不好，其實早上起床上妝時就知道，因為我用手指上粉底，如果搽日霜吸收快及上妝推粉容易的話，就表示晚霜有效。(我之前試了Innisfree的Green Tea
Seed Serum及Green Tea Sleeping Pack晚霜就覺得無效了。)
現在每朝洗完臉，仍摸到臉是滑滑的，每天化妝推粉都順順利利。這狀態之前自已做完蝸牛面膜，或去美容院時做完facial的翌日都會遇到，但不會持續每天臉都滑，滑的程度就像在我皮膚表層，再另加上一層光滑的薄膜一樣。
更神奇的是，這種滑，在我晚上落妝時仍維持著。我從來未試過在落妝洗臉時，全臉都是滑滑的，還以為在洗其他人的臉呢！真的是這世人，臉也未試過這麼滑。相對於另一中年女護膚王牌Le Mer晚霜，我覺得SK-II強好多，現在我也用此搽頸。
另一好處，是這一整個月，居然沒有出過暗瘡，太感動了！當然，每用一種新產品，如果是好產品的話，其效果都比較明顯，然後皮膚漸漸適應後，成效就會減低，我估計這瓶SK-II R.N.A.
Power也可能一樣。至於其他成效如收細毛孔、淡斑等等，我暫時覺得不太明顯，畢竟這不是它推廣的強項。
最後是消費者警告：SK-II跟毒品一樣，會令人上癮，要有心理準備一開始了，就回不了頭。
一直都聽人話用過SK-II 就返唔到轉頭，所以一直都無敢試!
回覆刪除話返唔到轉頭，係因為SK-II出品真係高一班，如果只係用神仙水，一支用好耐，其實唔貴。
刪除我都係用熱水洗面，真係無辦法呢。英國的凍水好似冰水咁凍。
回覆刪除我用緊Shiseido的 facial wash，已經是第二支喇，冬天時唔啱用，比較乾。SK-II 用 ultimate，但太貴，效果不明顯，用完都唔會再買。Le Mer 只用眼cream。其他都跟你不同，我都係 ''中女'' 啊。近年有用 cold pressed 椰油做夜cream，感覺良好，真心介紹你。
我好似由大學開始，就用熱水洗臉，習慣咗無辦法啦，而且我感覺熱水洗我啲化妝好似乾淨啲。
刪除你咁捨得買用Ultimate，好貴啊。我感覺Ultimate好能要更老啲，到五字頭至用，可能效果會明顯啲。其實SK-II我廿幾歲時用過，都覺得效果唔明顯，但一過三十再用就覺得好好多。
我好懶，用原材料做護膚品或面膜，對我嚟講都太複雜麻煩喇。
依家香港興起平凡媽媽依個品牌,天然為佢SALES 之道,我同好多狗友試過真係好好用呢,仲有狗友放棄用SKII 轉用平凡媽媽,下次回港不防去買來試試
回覆刪除多謝介紹，下次返香港又行過的話，可能會試吓佢啲皂或是洗頭水。
刪除我早晚沖涼，所以洗面都係沖涼時做埋，但洗頭同洗面時唔會開太大熱水，到洗身時先開到D水勁熱，淥到紅卜卜。
回覆刪除護膚呢家嘢我真係無咩心得，唯一堅持就係廿年來都唔用毛巾洗/抹面(但有用clarisonic)，所以除咗天生毛孔較大外，都唔算有咩大問題,不過隨住年紀改變，都感覺到皮膚需要越來越唔同。
日晚都沖涼，皮膚會唔會太乾？我朝早太唔想早起，所以只係俾自己20分鐘左右準備返工，一定唔夠時間沖涼。
刪除我都係天生毛孔大，無得救。
Eve lom點解不可以shower時用？我通常都係沖涼一次過，係咪我用錯？
回覆刪除因為我用Eve Lom會跟足原本用法，即係先用指尖按臉，用熱muslin cloth敷面開毛孔，然後洗完再用凍水敷面收毛孔，所以無乜可能一路沖涼一路又熱水又凍水。不過我都聽有人會就咁當普通洗臉霜用，都無話錯嘅，不過Eve Lom又唔平，我想好好用。
刪除SK-II我只係用神仙水同洗面乳，已經回購N次。神仙水近幾年係公司老細送(生日／新年禮物)，洗面乳係自己去sasa買版仔出差用。老細會送330ml神仙水，我又唔係日日用，所以真係可以用好耐。漸漸變成1年用1支330ml神仙水，冬天唔用，因為唔保濕。除非買到日本版神仙水，試過同事帶返黎既，非常保濕。之前用信用卡積分買左支secret key 神仙水，試完1支再話你知效果。
回覆刪除haitang
SK-II我只係用神仙水同洗面乳，已經回購N次。神仙水近幾年係公司老細送(生日／新年禮物)，洗面乳係自己去sasa買版仔出差用。老細會送330ml神仙水，我又唔係日日用，所以真係可以用好耐。漸漸變成1年用1支330ml神仙水，冬天唔用，因為唔保濕。除非買到日本版神仙水，試過同事帶返黎既，非常保濕。之前用信用卡積分買左支secret key 神仙水，試完1支再話你知效果。
回覆刪除haitang