契爺契媽一家是美國人，所以我的國慶週末也是以典型美國方式慶祝，當中包括：
- 燒烤(漢堡牛排、熱狗)
- 自製雪糕
- 在後園放煙花
因為他們的舊雪糕機不能再用，所以我們過去兩天到了Walmart，Target，Rose and Lowes尋找雪糕機！終於在國慶日中午在Lowes買到了，只需US$19,99，買到之後立即到超市買材料，很興奮！
飯後到後園放煙花。基本上是契爺放，我們坐在平臺觀賞。我們所在的州份，不可以放大型煙花(即是上升幾百尺那種)，但即使只放少型的，也很興奮啊！我們也很「俾面」拍掌大叫。
到契爺契媽家永遠都是熱熱鬧鬧的，因為他們有兩隻比格犬(Beagle)及四隻貓，所以永遠也有動物走來走去，我也看著他們長大的。他們都很友善，不怕人，而我亦喜愛貓狗，所以每次見到他們我也很開心。
回家後，今天已吸了塵、換了床單、清潔了浴室，現正等待老公回家！
妳鐘意貓貓狗狗又唔養番隻? 我以前麻麻哋鐘意貓, 養咗兩隻大帝之後就愛上貓喇. 佢哋重易打理過啲兔仔, 不過我仍然想養狗. 妳老公今日定聽日番呀?
回覆刪除[版主回覆07/07/2008 02:40:00]我老公無唔俾我養，我地唔養貓狗，主要有兩個原因：
我同老公都有潔癖，成屋貓狗毛，沙盤又有味，我地實會唔開心。
我習慣左一個人，亦都好鍾意一個人係屋企嘅感覺，我知道如果有隻貓/狗，我就唔會再係完成自己一個人。雖然好似好奇怪，但係我真係好鍾意一個人係屋企架。
所以要玩去契爺契絲家玩就得嘞！隻十幾歲嘅老貓認得我架，我睇住佢大架！
我老公星期六晚返左嘞！
Beagle, 我鍾意呀 ! 你契爺契媽屋企又真係幾熱鬧噃!
回覆刪除[版主回覆07/07/2008 02:45:00]係呀！好熱鬧架，仲有契妹同佢老公。契妹我由佢8歲睇住佢大到佢依家27歲嘞！
隻大Beagle好乖好醒目架，唯一唔好係勁鍾意錫人，一定要錫到你為止！不過 Beagle勁活躍，走不停，跳不停，要有精力先可以養。
好開心, 好羨慕呀~~
回覆刪除[版主回覆07/07/2008 02:45:00]我羡慕係就真！
我同你都一樣只係鍾意睇人家放, 所以過去兩年 July 4th, 我跟我的另一半都係坐係Patio, 看一眾鄰居爆放七彩繽紛的fireworks.
回覆刪除[版主回覆07/07/2008 02:47:00]我本來唔介意放，不過放之前落過雨，個後園濕哂，所以我先無玩。
多謝到訪。
假期依幾日天氣唔好, 所以都冇乜活動.
回覆刪除以前未做媽咪時, 一到july 4th, 實會同班friends一齊去campping 放一煙花.
[版主回覆07/07/2008 02:51:00]有小朋友難好多，而且你兩個小子咁細，玩/睇人玩煙花都危險。
我地July 4都落雨呀，不過都係一陣陣，唔係好嚴重。我玩得好開心。
我都係好鍾意一個人喺屋企嗰種感覺
回覆刪除[版主回覆07/07/2008 09:53:00]好話唔好聽，我有時都幾享受老公去左公幹，得我一個人係屋企，我唔會覺得悶架。
sound like a lot of fun!!
回覆刪除[版主回覆07/08/2008 09:48:00]yes, it was! a lot of stuff going on, crowded, exhausting, but over all it was fun!
你呢個自製雪糕, 好吸引, 要落咩材料??
回覆刪除[版主回覆07/08/2008 09:56:00]我都唔記得全部，我知道有雲妮娜油，全脂奶，半奶半奶油(half & half)，糖，鹽，另在碎冰及製雪糕用的鹽在桶邊。個雪糕機會自己不停攪，攪到Ｄ材料變成雪糕為止。
雪糕機附有好多（十幾種）雪糕的材料單，連薄荷朱姑力都有，你都可以試下。
點解唔影D相分享吓
回覆刪除[版主回覆07/09/2008 03:13:00]我無習慣帶相機出街架。而且我同我老公都唔係咁鍾意出鏡。所以我地好少影相。
我未食過自製雪糕...真係甘好味？
回覆刪除[版主回覆07/09/2008 03:14:00]比我想像中好味好多，我以為最多都係好似買番黎個D咁，但係原來香好多，滑好多架。