今個星期感恩節，爸爸留喺屋企返工，咁日頭就有人陪我。
但係爸爸一朝早就走上二樓，我又唔上得去，咁同爸爸唔喺屋企咪一樣？我唯有又同啲玩具一齊瞓覺啦。
.JPG)
樓上有聲！爸爸落嚟喇！我好醒架，知道爸爸落樓等於午飯時間，即刻起身。
因為爸爸每次午餐都整火雞片三文治，我就會企喺廚房門口等，基本上每次等食都係呢個位架喇，我唔太鍾意凍凍地磚，盡量都留喺地毯位。
等到爸爸整完三文治，通常會俾一丁丁小塊火雞片俾我架，幾細都好過無嘛！
都成六點半喇，點解媽咪仲未返嚟嘅？爸爸唔好掛住影相啦，我又要等門喇。
第一相睇佢幾楚楚可憐咁。
回覆刪除佢大部份時候個樣都好似好慘咁架. 不過無人陪佢就當然更加悶啦.
刪除there is a gate at the stairs to stop Blaze from going upstairs?
回覆刪除係呀, 有個欄喺樓梯底, 不過無鎖嘅就咁拉得開. 佢試過一次, 俾啲聲嚇親佢(佢超細膽), 之後都無走近個欄喇.
刪除佢就好啦, 我成屋都係雲石地, 隻狗凍冰冰又滑
回覆刪除佢張床好舒服咁呀!
咁你不如喺廳梳化前擺張area rug啦, 狗狗真係喜歡地毯多個木/石磚地架, 我哋都決定咗為Blaze(或者將來其他狗), 唔會換成木地板. Blaze鍾意追波波, 無地毯就唔得喇, 好容易整傷.
刪除Does Blaze jump on you when you get home?
回覆刪除唔知係佢懶定係乖喇, Blaze唔jump人架, 佢會走近你腳邊, 有時搵個鼻點吓你隻腳, 要你彎身摸咗佢同佢打招呼, 跟住就ok喇.
刪除佢好乖呀
回覆刪除佢真係一隻乖到無朋友嘅狗, 我成日覺得自己中咗六合彩!
刪除阿BLAZE你又偷上你媽咪個BLOG寫嘢。
回覆刪除你媽咪做乜咁夜都唔返屋企呀？
有啲姨姨會掛住我, 所以有時我叫媽咪幫我寫啲囉, 仲有媽咪啲blog又長又悶, 有我出現開心啲.
刪除媽咪琴日有嘢做居然OT十分鐘呀, 又落好大雨揸車慢咗, 平時六點半前一定返到架!
你咁乖， 媽媽一定會買份感恩節禮物比你。
回覆刪除嘩，都無諗過添，咁等我留啲火雞俾佢啦！
刪除Ceci:
回覆刪除~你先生飲食好健康!! ----通常整, 火雞片三文治!! 我食得多一樣野, 會轉下!!
~Blaze, 本性都好乖!! 唔會亂黎!!
~你放thanksgiving holiday就大把時間陪Blaze!!
佢好悶蛋架，食只係為咗食飽唔肚餓，佢日日食一樣都OK架。
刪除呢四日都會好凍，應該唔會去公園喇。
難得Daddy在家, Blaze都咁乖無嘈又無纏住要人陪佢玩, 真係值得讚!
回覆刪除佢一直都係咁乖架，永遠唔會嘈，唔會對你有乜要求，當時佢想有人陪佢啦，但你有嘢做唔理佢佢都會乖乖自己坐低或者瞓覺。
刪除每次見到Blaze相相，都令我好有衝動想養小動物，除咗因為佢好可愛，亦都因為佢好乖巧，不過，暫時都唔會考慮，環境唔ready...要等+忍!
回覆刪除環境其實比較易解決或者遷就，反而生活習慣改變係最大考慮，有咗寵物，每日24小時都係要圍繞住佢哋而計劃，旅行之類嘅計劃更加會受影響。我哋依家只要係出咗街，好多時都係...."要返屋企餵Blaze， 要返屋企放Blaze去廁所，又或者噢，去地方嘅來回太長喇，唔去得...... 就好似有小朋友一樣，係每時每刻都要記掛住嘅。 我由細到大都喜歡小動物，環境亦一直許可，但都等到成四十歲先養寵物。
刪除仲有唔好俾Blaze嘅乖影響呀，佢係好似中咗六合彩嘅機會率一樣，普通正常狗係唔會好似佢咁乖架。我亦都知道Blaze走咗之後我再養哥基的話，都一定唔會再遇到好似Blaze咁乖嘅狗。
明白了，多謝Ceci詳盡講解，非常認同養小動物就像有小朋友一樣，是一個重大決定，所以，我一定唔會亂來!廿年前養過兩隻貓咪，後來唔見咗其中一隻，至今仍耿耿於懷，所以依家見到Blaze就當望梅止渴，謝謝!
刪除BLAZE真係好乖呀~~~我最鍾意狗狗乖乖地等食嗰個樣~~~超可愛~!!!
回覆刪除佢等食位永遠都一樣，不過唔到最緊張關頭佢都唔down哂。
刪除其實Blaza 都同冬都一樣好怕凍好可愛呀! 可以比人影到等你門真係好sweet 呢
回覆刪除係爸爸喺屋企先影到等門咋，不過最近佢嘅等門舉動頻密咗，基本上就算爸爸出街買嘢佢都會等架。
刪除响爸爸面前Blaze個樣好似特別嗲.
回覆刪除爸爸無媽咪咁嚴嘛，如果係媽咪，點會日日有火雞片吖！
刪除有冇諗過養多隻等Blaze有盤?
回覆刪除前兩年有諗過，但我哋都知道Blaze只係鍾意人，唔鍾意其他狗，再問過養咗佢四年嘅繁殖家意見，佢都話Blaze適合做獨女。
刪除我都覺得好多狗好像以為自己是人,所以鐘意只和人玩! 哈哈
刪除Blaze真係超級乖!! 抵請火雞片食啦~~
回覆刪除佢係好乖架, 不過唔可以成日餵人食物俾佢食, 愈餵得多就會愈唔乖架喇.
刪除