今日是春天第一天，但這兩日又凍過，現在攝氏8度天陰。
冬天要穿靴，發現自己的衣櫃(walk-in closet)一地都是鞋/靴，連走入去找衣服也有困難，趁這個星期較暖，春天又到，昨日決定將所有靴收起，順便整理一下衣櫃。
其實這牆鞋，上一半有幾十對，我來美8年已沒有穿，因為都是高踭又斗零踭(2吋半以上)，我現在不再穿，雖然不想掉了它們，不少是貴鞋嘛，但一直放著就浪費地方。唉，真不知如何處理。
我買過太多鞋但沒有穿過，某程度是因為放在鞋盒或被推到牆邊「看不見」，不意識到自己有這雙鞋，為了解決這個問題，最近在Amazon買了個鞋架，希望容易看得到就容易穿得上！
這個廿多美元的鞋架，非常適合在室內用，載放量多，我腳細差不多放到30對，但最好是腳小的女士用，因為大過5.5號/36號碼的鞋應該會凸出來。
清理完衣櫃，決定進攻浴室，之前我的化妝護膚品放到一檯都是亂糟糟，檯面又有一段很長的日子沒有清潔多塵又有水漬，趁大掃除我順便拿了個大垃圾膠袋，將過期又或者不用的各種化妝品、護膚品、洗頭水等等全弄掉。
一個中年婦人要用的化妝護膚品真的不少啊！
再洗了浴缸，吸塵，然後洗了四機衫，之後我的腰開始痛，大掃除到此為止！
我來英都7年，都有一堆以前香港買落的高跟名牌鞋。以前係香港著高跟鞋易如反掌。但而家已經全部打入冷宮了！
回覆刪除係啦，其實香港啲路唔平又多斜路，反而著慣高踭鞋，依家又少行啲路又平又闊就唔著，真係浪費。
刪除反而我呢邊d路不適宜著高跟鞋
刪除我有舖超強掉嘢癮，所以好少買貴衫或鞋，因為貴嘢真係會掉唔落手但放喺到真係"銀"眼又阻地。我家姐嘅鞋牆又係有妳同一煩惱，佢有叫我揀D啱著嘅拎走，我都無咁做，就係唔想承受咗呢個掉唔掉好嘅難處!
回覆刪除做完spring cleaning雖然攰D，但見到D物件乾乾淨淨、齊齊整整，俾我又可以開心幾日! :)
我掉嘢都好強架，但只限鞋我唔捨得，因為又唔係唔啱著，大部份都新鞋一樣嘅狀態，對對幾千蚊，真係唔捨得掉。
刪除希望整齊可以維持至少三兩個星期啦！
我都一年執幾次衣櫃鞋櫃，唔睇唔知自己買左咁多。有些放了幾年的我會上網賣出去，夠環保呢。
回覆刪除鞋放上網賣唔值錢，扣埋郵費可能賺十蚊八蚊，同捐無分別啊。
刪除I have to say, that's a lot of shoes!
回覆刪除I heard on the radio that you should keep a donation/sell bag in your closet. Whenenver you see something you won't wear anymore, just toss in the bag. Donate/sell when the bag is full. Rinse and repeat.
依家應該有150對喇。
刪除其實衣服我平貴都捨得捐，但係鞋我真係唔捨得，你叫我捐啲Jimmy Choo同Prada出去，我可能會留眼淚啊！
我都喜歡久不久清一清，但最近都只有時間清兒子的，而且買也是買他的多！
回覆刪除我依家好懶，一年只會因為換季執兩次。
刪除我以前的高跟鞋早就掉得7788 因為覺得對自己隻脚很殘忍 (哈哈 愛靚唔愛命！)
回覆刪除但係的返工套裝真係仲未捨得放棄。。。
我唔太貴嗰啲都掉哂喇，係剩低啲貴嘅唔捨得掉。
刪除