Blaze：我為「食」而生

大家好，好耐無見！

(各位新讀者不要見怪，我家Blaze寫blog一向是用廣東話的。她是一隻10歲的哥基太，女孩子，來我家六年了。)

媽咪話我好耐無同大家打招呼，叫我嚟say hi!!!

我都係咁啦，每日食食玩玩瞓瞓，一定比大家嘅生活更愉快！

哥基出名為食，媽咪叫我同大家講吓我幾為食喎。

例子一

平時除咗一日兩餐，我好少有機會食其他嘢，因為媽咪好鬼嚴。不過依家年紀愈嚟愈大，見我身體又無病無痛，體重又維持到，媽咪都有啲放棄，會俾多啲「人類」食物我食，正，尤其係蔬菜。

爸爸最近成日自製簡單嘅西生菜蕃茄沙律，佢一開始用刀切菜，我就會咁樣企定，係好定....... 因為完成後爸爸會俾一兩小片西生菜俾我架！(其實真係好小，都只係半吋長咁大把。)

媽咪話要影相叫咗我一聲，唔該唔好阻住我專心等待(真係叫咗佢一次佢就唔再理我)！

例子二

平時爸爸食晏，都係自己整件火雞肉三文治，我當然跟到實。

媽咪話過唔准問人攞嘢食，但係佢無話過唔准「等」喎，咁我一定會用我最絕望最渴望嘅眼神望住你......

等到爸爸食完哂，就係為咗呢一刻，一丁點嘅火雞肉呀！

就係咁啦，我嘅日常，就係分隔喺等人餵食嘅每一段時間上。