對疫情的敏感度，有沒有稍為放鬆了一點？我覺得香港的情況還可以啊，即使每日有零星一兩個新增的確診個案，大都有跡可尋，而且已有超過四成確診者康復出院，更慶幸的是暫時都沒有醫療人員受感染，是不幸中之大幸。
香港人被困了一個多月，漸漸已困得不耐煩。雖然次數減少了，但我每星期仍是會外出吃飯，最近一兩星期，亦見到更多香港人按捺不住走出來了。
我的機構已在今個星期全面復工，不過有安排彈性上班時間，讓同事避過早上9時繁忙時間，其實上星期我已叫自己部門復工，因為最近額外的工作真的多了，需要完成的事還是要做完的。
防彈取消了四月在首爾的四場演唱會，幸好我買的機票可全退，沒有損失。不過我自去年十二月至今都未離開過香港，覺得好屈悶，因為我真的很少三個月不出埠。現在唯有等四月底的防彈美國場，萬二分期待啊！
沒有什麼可更新，就放一點之前買下的衣服吧，大部份都是趁網店減價時買的。
第一件是Off-White x Nike的短身風褸，雖然背部那大大個橙色口袋有點誇張，但我好喜歡手袖兩邊的膠箭嘴，那箭嘴是有魔術貼在後用來束緊手袖位的。
跟著是個Burberry的小背包/腰包，我現在轉了健身室在家附近，想要個又細又輕的袋放銀包小毛巾等。
最後是四件tee (Red Valentino, Scotch & Soda, Mira Mikati)，希望快點熱可以穿新衣。
個個週末困在家，除了上網看電視可以做什麼？？
我最近終於買了自去年已好想買，Lego第二最多件數的Harry Potter Castle，超過6000塊！因為送貨要簽收，我把它送到公司，估不到比想像中重好多，分了兩天才將lego與四大本指引目錄抬回家(盒還留在公司)。計過尺寸後，再在Ikea訂了一個矮層架，希望放得到。明天應該可以開始了，興奮！
真心覺得雖然香港係無耐地“被封關”，但照現況我覺得留喺香港其實更安全過四圍飛，妳都好好保重呢！
回覆刪除正呀！初初出時我有衝動想買架，但放咁大座Lego喺屋企，我怕影響我屋企嘅家徒四壁theme，哈哈！
照依家情況，大家都要習慣過翻正常啲嘅生活，因為隻病毒應該唔會走，係老人家同有長期病慣嘅真係要小心啲，可能都要長時間帶口罩出街。其他人無辦法一直唔出街唔工作唔返學唔生活。
刪除套lego我要放慢手腳砌，因為我唔想咁快玩完。
咁大座，有排砌
回覆刪除唔會有排，我砌lego好叻架。
刪除我未砌過超過500塊的puzzle呀！ 加油！
回覆刪除puzzle難好多，2D又無圖片instructions。
刪除Lego正呀！ 一定好多細節好好玩。我想砌啲super cars!
回覆刪除我以前都砌過好大台電單車，仲難過呢set。
刪除香港情況好轉了，現在輪到歐美不行了，英國這邊人們的防護意識是超乎想像的低，我兩個月前和本地朋友提及時（甚至兩週前）他們都沒有把疫情當一回事，警惕的都是來自亞洲的留學生。直到現在英國政府和媒體都不知道在幹什麼，兩個月來BBC只懂得1）叫人洗手 2）說一般人戴口罩沒用。兩天前我戴口罩出門，居然有人特意朝我假咳，當場就嚇懵了，而且前一天世衛才剛宣布病毒全球大爆發。我明白戴口罩在歐美不及亞洲地區普遍，甚至會很奇怪，但還是頭一次這麼赤裸裸地感受到，那個人是有多愚昧無知才會做出這種事？原本我一點也不怕，現在我反而怕因為這邊人們的無知而導致疫情在短時間內越發不可收拾。目前只能做個「宅女」，在宿舍裏自找樂趣！
回覆刪除喺呢方面，西方社會同亞洲社會睇法非常不同。我係香港非常另類嘅西方思想人，所以我都唔帶口罩，不過我清楚知道，你因為99%嘅香港人都帶口罩，防疫工作又做得好，先至可以令我afford得起唔帶口罩。
刪除以歐洲現在死亡率比亞洲整體高好多，就知道可能:1)病毒變種，2)歐洲人已經非常多人帶菌，不過以為係平時冬天傷風感冒，因為都有一大批確趁者由頭到尾都無乜病徵，又或者直至好翻都無氣喘過所以以為自己感冒。有人覺得英國(今日加埋瑞典)唔做測試，唔做任何停學停工停多人聚集嘅「無為」方法，係想大部份市民都感染到而令大部份人身體自然產生抗體，而只集中去醫病徵好嚴重嘅病人。
依個係新病，各方都係摸索中，如果自己好擔心的話，唯有咁俾人望俾人講都帶口罩，又或是唔出街。一唔係好似好多海外香港人咁，直情返香港避。
好老實講，我之所以唔帶口罩又一直出街，某程度上就係唔怕被感染，用自己身體平時嘅抵抗力去賭。
而家情況日日變，經過差唔多一個禮拜後，呢到啲人都越來越panic，囤貨嘅情況都幾嚴重，其實就算啲人想戴口罩都唔會買倒（劍橋有西方人會戴口罩，但係極少）。除非之後呢個禮拜發生啲咩大事，否則我都係決定留英國（預左唔會有NHS support），費事跟大潮趕翻香港/感染屋企人，而且學院會照顧留低嘅學生，只要盡量唔出門，保持生活如常，其實都唔差。
刪除