我在韓國買衣服或在Gmarket網購，一向不買下身，因為怕不合身，在美國修改裙褲又貴可能不值。
但之前買了很多上衣及裇衫，天天配牛仔褲也悶，所以就趁Gmarket貨品單價便宜試一次。
雖然大部份褲都有分碼，但為謹慎起見，買了四條褲之中有三條有橡根頭，昨日收貨了。
頭三條同自同一商店都是大陸製，都是polyester質料非常便宜那種。但手工還可以，而且最難得的是都合身不用任何修改，這三條平均價錢是每條US$11.5(未計郵費)，價錢低過花園街。
第四條是便服款的baggy pants，韓國製真的品質較好還有襯裡，也合身不用改。這條我買時US$19，現在更減至US$15。
如果上兩年我是集中買maxi dress，今年我應該是集中買牛仔布衣服。買亞洲製的速身牛仔褸一定比在美國買更貼身，這兩件一藍一黑剪裁設計都比一般方方直直的牛仔褲獨特一點，布身也比想像中薄和軟，春夏穿也可以，平均一件 US$25。
除了衣服我還買了些口紅，可惜不太合心意，但衣服就全部都滿意。現加上郵費，平均每件貨物的單價是US$26，在Gmarket買便宜東西會上癮的！
我近年返工都唔著褲...着裙(無聊!),所以都無乜買褲。
回覆刪除藍色件牛仔褸cutting好靚，一D都唔似華D年代嗰D款咁老土，加上妳身型偏瘦，一定着得好睇啫！又，連運費$26/件又真係幾抵！
夏天好熱時我就只著裙，但我哋春秋季都好長，唔想成日著牛仔褲就要買西褲。
刪除其實黑色件牛仔褸仲型，不過睇想黑蚊蚊睇唔到。
我上網最留意退貨細則，因為有時唔啱身都容易退／換。
回覆刪除喺美國本地網購我就會留意退貨，如果買外國貨/外國網站，就要預咗無得退或者唔會退，淨郵費可能已經貴過件貨。
刪除我都係買唔掂Gmarket，不過呢期狂買OKDGG
回覆刪除買唔掂？點解？不過我到依家都可能仲會買錯一兩件，Gmarket真係無咁user friendly。
刪除OKDGG我唔鍾意佢啲款，雖然免郵費，但單貴高好多，計埋都一樣。
太複雜，哈哈！
刪除OKDGG 係貴少少，但唔算複雜，而且寄得好快，一個星期左右就收貨，我接受！
藍色件牛仔褸真係好靚
回覆刪除黑色嗰件仲靚。
刪除韓國衫都係啱苗條之人
回覆刪除都唔係架，韓國好多闊袍大袖衫我著唔到架，只不過我自己較瘦所以你見我買親都係修長款啫。
刪除