因星期日離開酒店前要執好行李，星期六成為我的主要購物日。
早上跳上的士去清潭洞的“coffee cojjee”，那是金在中(我比較喜愛的韓流演員/歌手)有份投資的咖啡店。原希望在那裡吃早餐，怎料去到才知正在裝修，幾個星期後重開，一見到裝修的狀態，令我突然記起前一排好像看到金在中撤出投資的報導，也因為這樣要重新裝修吧，不禁拍了自己額頭一下，旅遊書的資料應該未更新。
在那個清潭洞高級住宅區走了一陣回到大街隨便入了間咖啡店喝了咖啡，在Ipad地圖看到我要去的帽子店KAoRi大約要走路半小時，覺得當時狀態還可以就跟著走，怎料去到目的地又不是那裡(韓國的地址真的很難找)，為了去到這間舖頭，我在清潭洞/狎鷗亭Rodeo Street區前後走了差不多兩小時，問路也問了七八次，有幾次真的想放棄了，但已用了這麼多時間/腳骨力又不甘心。
值得慶幸的，是發覺首爾人真的好友善幫手，我曾走入三間舖頭問路，他們都用自己的電話/電腦幫我找，另外一個代客泊車的弟弟還問我要了舖頭的電話，跟那邊的店員說了差不多5分鐘，再一步一步寫下教我去，雖然不是問一次就找得到，我都好感激那七八個幫過我這個遊客的本地人。
找得這麼辛苦為什麼？就是為了獨一無二每頂都是人手製的帽子。終於去到舖頭時我也是唯一顧客。找了兩小時之後的結論：非常值得！幸好沒有放棄。關於帽子，容後的購物篇再說。
原本在附近想看的，都因為行了兩小時太攰而放棄了，不過我一直最想去的就是KAoRi。目標已達，跳上的士回酒店休息。
下午差不多兩點再出發，先在明洞吃了午飯，隨便走入間餐館吃了即製的八爪魚辣雞年糕鍋，熱辣辣好好味不過份量少。
之後直去三清洞北村看傳統韓屋。當日是星期六下午，算多人，拍照不容易，不過大部份是日本遊客都算好順利。這裡在幾年前遊客量一直維持每年幾萬，但在此拍了幾套韓劇如「個人取向」和「你為我著迷」及綜藝節目「兩天一夜」之後，近年遊客量激增十倍到每年六十萬，沿路都見到請大家不要喧嘩的告示，我也替仍住在韓屋內的人慨嘆！
我沒有走均推薦的八景，只是隨意走走，之後走到大街鐘路區買了兩對平底鞋，再到間咖啡店Café Breezing吃個下午茶刨冰，吃罷就回酒店，晚上行程之後繼續。
周圍逛下，隨心所慾，很輕鬆。
回覆刪除係呀，如果唔係我自己一個人，應該無可能用兩個鐘頭去搵一間舖頭，唔駛考慮其他人感受先可以做得到。
刪除好佩服妳揾帽子店嘅能耐，比著我唔係放棄就係睇下可唔可以打的，得一個人，搵唔到目的地，我會有超級不安全感，無可能有妳咁冷靜!
回覆刪除記得呢條anthropologie maxi dress係妳之前提過、同埋話要改短，著得巧巧睇呢!
我有打的架，其實一行完第一程半個鐘之後，知道間舖可能距離較遠，我已經即刻跳上的士，但係的士都去唔啱地方，其實間舖嘅書面地址好似有兩個，定係條街有兩個名。而且Rodeo Street附近都係細路交錯，我成個鐘頭行來行去都係嗰附近，成日要行翻轉頭，可能有一兩次經過咗或者就喺附近都唔知。連附近返工嘅人都唔知，真係幾難搵。
刪除條裙我換咗條大一個size嘅，因為最細碼腰比較窄。但睇相就知大一個碼太闊，好似無咗條腰咁，下次我會加條腰帶，或者再改窄個腰位。
明知係附近又搵唔到，真係唔甘心，好在你無放棄，等睇你買嘅靚帽。
回覆刪除頂帽你哋睇落可能無乜嘢，覺得好普通，而且影相應該唔會影得清楚，不過我自己好鍾意，呢個係重點。
刪除我都試過N次揾個零兩個鐘,真係好frustrated !
回覆刪除第一次揾cafe aA, 咖啡美學都揾勁耐!
有一次揾Iris果間古堡accessories shop真係想c, 沿途和一些日本遊客研究,無論睇香港書或日本書都攪不清!
不過最後都揾到 !
韓國啲地址真係超惡攪，旅遊書嘅地圖又做得唔好，搵地方係一個問題。我反而好易去到Cafe aA喎，其他地方都搵到，係Kaori出問題。
刪除韓屋係咪算豪宅呢?
回覆刪除係非常豪！嗰區喺皇宮景福宮旁邊，好耐以前只有達官貴人先住到，唔小嘢架。
刪除八爪魚辣雞年糕鍋 looks yummy! Is it really spicy?
回覆刪除唔駛考慮其他人感受 <- beauty of traveling alone!
我覺得唔辣，但可能我食得幾辣，因為最近同個北京人同事食韓國牛腸鍋，佢食得辣都話個鍋幾辣，但我又唔覺喎。
刪除我以前經常一個人去旅行，但再婚成七年都無去過差啲唔記得係幾寫意嘅一回事，今次之後我應該會繼續一個人旅行。