先來發洩，以下這段文字(抱歉用了廣東話)，是我在首爾第三天早上分享在我的Facebook主頁上：
今次嚟首爾最大感覺係：香港人好醜陋。
去每個公眾地方食肆講嘢最大聲係香港人，我見得最多打尖爭位驚死執輸嘅係香港人。高談闊論但係內容都係廢話無常識肉麻當有趣嘅都係香港人，仲要係不分年紀男女老幼都係咁。(台灣人大陸人日本人都唔會。)
豪客唔到你，唔該你多多批評韓國人或者大陸遊客時先檢討自己！我每年返香港都係住尖沙咀銅鑼灣，其實我一直唔覺大陸遊客好差，連香港人出去遊埠二三十年都仲係咁質素，請大家鬧大陸遊客前自我檢討自己係乜嘢遊客！
我喺首爾從來唔認自己係香港人。
之後有朋友留言話可能樹大有枯枝，我再回應：
其實一直都係五十步笑一百步，香港人最鍾意笑人污糟隨便大小便，但自己就去到邊乜嘢場合都最嘈，最難頂係多廢話又要講到大大聲，而且非常無禮貌，我不知見幾多，人哋同佢哋打招呼講歡迎講多謝，佢哋唔止無反應仲唔望人直行直過當人透明，叫人問嘢語氣態度極差，真係失禮。唔好淨係掛住鬧大陸人喇，人哋大陸人去到言語不通嘅地方反而檢點好多，最多只可以話大家不文明地方唔一樣啫。我今朝去食早餐就有對後生情侶出lift，想爭出去排第一好似打美式足球咁！去到餐廳跨幾檯大大聲講嘢又係香港人，好似佢哋包場咁。香港人最叻係以為周圍無其他香港人時，做盡失禮事。
現在大家明白為什麼我最後一天沒有吃早餐吧。以後再去首爾可能會改住世宗酒店及首爾皇家酒店避開他們。
這真是我這次遊首爾的重大感受。上兩次來，在明洞聽到很多普通話，但不知是否今年6-7月韓國有MERS，讓什麼也怕餐死的香港人卻步，令年底累積了很多香港人同時遊韓，今次在明洞聽到最多的是廣東話(當然他們說話聲浪大也有影響)。
其實近五六年回港我已覺這情況愈來愈嚴重，香港人愈來愈無禮貌無耐性(不要賴新移民)，臭嘴臭臉的人愈來愈多。我最忍受不了的，是大大聲在公眾地方(食肆、交通工具)講無知廢話的情況很嚴重，連我在旁邊聽到都戥他們羞家。有些人可能會批評大陸人說話聲浪也大，但他們那種多數只是在「叫人」時才會遇上(例如“小明媽媽，來這邊有空位！”)，他們很少持久地在公眾場所高聲講廢話。
香港人愈來愈反智，是網絡年代鼓吹嘩眾取寵、看得多免費又沒深度報紙、抑或是盲目上杆上線推崇所謂言論自由的必然後果？香港人以前整體的教育水平可能不及現在高，但現時的修養文化氣質水平卻是前所未有的低。
發洩完畢！現在寫旅行感想。
在不同的季節來了首爾三次，終於算是完成了大部份景點(唯一有興趣又未去的，應只剩下梨泰園/汝矣島漢江公園)。要用三次才能稍為完成基本景點，當然因為我的日程超級輕鬆，一日基本上不會去超過兩個景點，亦因為我這怪習慣，我知道我是較適合獨行俠，目的地又不是陽光與海灘，這樣遊一個城市，可能大部份人(包括我老公)都會覺得很浪費。如果大家想去首爾，精力腳骨力又好的話，來個五天遊應該已經可以完成我三次的旅程。不過首爾對我來說是一個「吃不完」的地方，只去四五天可以嘗到的食物就有限了。
我仍然是那一句，首爾人對我非常好，服務態度好，有禮貌又熱心幫助我，今次尤其覺得他們幫我拍照時好認真，自動拍幾次找不同角度我非常感謝。計程車司機亦仍然好和藹有禮。
互聯網時常說韓國歧視獨身食客，但我只在遊客區覓食所以我自己就沒有遇過(烤牛腸那晚上也是因為已客滿才被拒不可怪他們)，反而有時因為是獨身客，侍應更留意招待。當然我身型瘦削但大食不浪費食物的吃貨本式，也較容易令喜歡有食德的韓國人欣慰，有時我也會在付賬時告訴他們食物很美味感謝他們。去韓國，食可能是我的首要目的！
互聯網時常說韓國歧視獨身食客，但我只在遊客區覓食所以我自己就沒有遇過(烤牛腸那晚上也是因為已客滿才被拒不可怪他們)，反而有時因為是獨身客，侍應更留意招待。當然我身型瘦削但大食不浪費食物的吃貨本式，也較容易令喜歡有食德的韓國人欣慰，有時我也會在付賬時告訴他們食物很美味感謝他們。去韓國，食可能是我的首要目的！
在此我要感謝一些博客，尤其是來自台灣的博客，她們的首爾遊網誌都寫得好詳細有誠意，很多都會包括地圖及路徑指引，比旅遊書還要仔細，我幾次去首爾都是靠她們的分享。
----------------------------------------------------------------------------------------------------------------
題外話，順便寫下這次香港/韓國之旅在飛機及髮型屋看過的港/日/韓電影。
韓國：延平海戰/Northern Limit Line(好看)、辣手警探/Veteran(好看)、惡意編年史/The Chronicles of Evil(好看)、秘密搜查/The Classified File(好看)、江南1970/Gangnam Blues(不好看)、二十/Twenty(不好看)、隱密的誘惑/Perfect Proposal(不好看)。
日本：Hero 2015(不好看)、愛的成人式/Initiation Love(不好看)、奇蹟補習社/Flying Colors(不好看)……如果這些就是2015年日本出名的電影，我現在明白為什麼近十年八載日本電視不受歡迎了。
香港/大陸：殺破狼2/SPL 2(好看)、赤道/Helios(尚可)。
身同感受,香港近來真的變了很多,多得妳敢言地講出好多現况,這些人的年龄層是中,青多的,自己為事,作大又冇料???像港的歌星影星都多不是專業畢業,中,日,韓是專業多的呢
回覆刪除我自己最難頂係佢哋大聲說話講嘅內容，真係90%都係廢話，又或者全部都係道聽途說、以訛傳訛但又唔係事實嘅流言，個個講到似層層愈講愈加料愈當係事實..... 咁至得人驚。
刪除係香港, 即使拉門, hold 住部 lift 俾對方入, 好多人都唔會有人講句唔該架, 有D仲係為人父母, 唔知點樣做個榜樣
回覆刪除拉門,hold lift都係西方(尤其美加)嘅習慣，亞洲人無呢個習慣我都唔怪佢哋，始終禮儀每個國家有啲唔一樣我係接受到嘅，不過人嘢同你講嘢要俾反應、不爭先恐後我就覺得無分國界喇。
刪除CECI, 我可否將你評論香港人在外表現那幾段放上FB分享給朋友看?
回覆刪除當然可以。
刪除今年返香港，我同老公都遇上不少臭四嘴臉，從便利店，的士，到本地商場都不例外，感覺同去年差好遠，或許同佔中有關，去年局面緊張但大家反而友善同禮讓一點。當然，遇到好服務，我都會連聲道謝，希望員工感到客人有留意到佢哋嘅努力！
回覆刪除今年我老公連企定定喺sogo一角，都被職員勸佢行開，唔好阻住個着住件皮草嘅公仔display(佢心諗大熱天時，揾鬼買咩，但又真係有人睇喎),當然老公梗係無鬼理個職員啦，堅毅地企到我返去揾佢，但就日日同我唸佢唔想再返香港。
至於妳提到香港遊客入到商舖唔回應招呼，我估香港人慣咗啦！每次喺香港入watsons或Sasa等商店，都會聽到員工用把非常温柔友善聲線話“welcome to xx,有咩可以幫到你？”而同時個員工永遠都係做梗嘢，眼尾都無望過客人一眼，我想許多香港人也習慣了。
搵翻你個留言喇，喺垃圾桶！:）
刪除臭臉同當人透明真係香港人嘅特徵。不過我去Watsons（或類似舖頭）又係呢人個問題喎，我唔覺服務業有問題，但係啲顧客就好大問題。
有好多港人就算移民左都會覺得自己比當地人更加優秀, 華人本來就鍾意狗咬狗骨, 美國香港人就更加厲害, 雖則身在異地, 但係搞下搞下塘人都對本地港人完全地失望
回覆刪除咁你以為因為我移咗民，所以覺得自己比香港人優秀？我寫呢篇嘅原意唔係咁，我諗你會錯意，我自己喺香港嘅香港家人朋友無一個係我上面寫嘅無文化無禮貌類別喎。我亦知道好多美加老移民更香港人無禮貌更無知(通常都係嗰啲移咗民幾十年仲唔肯融入淨係鍾意喺唐人街出入嘅老華僑)。
刪除如果話華人鍾意狗咬狗骨，我呢篇反而係話大陸遊客某程度比香港遊客更好，所以你以上寫嘅回應我可以話我完全唔同意。主觀投入同客觀描述係有分別嘅。
希望唔好比我遇上這些人，我一定不會留口的呀。 我在日本機場，見過一個拿BNO的香港人在我面前，熠熠揚揚，又打尖，可能佢以為我是大媽啦。
回覆刪除講民族，泰國人，韓國人，日本人都很有禮貌，有修養得多。
我覺得我見得特別多，因為我係獨行俠，佢哋都以為我唔係香港人，聽唔明佢哋講乜，所以更加放肆。
刪除韓國人都有佢哋唔禮貌嘅一面，例如成日行路會直接撞人，然後一定唔會道歉，交流工具又有好多持老賣老打尖嘅人，呢啲有好多其他國家嘅人遇到會唔習慣，但如果明白呢個係佢哋文化一部份(就例如香港人唔hold門一樣)，就唔會咁不滿。不過起碼韓國服務業水平同日本有得比，酒店餐廳食肆嘅服務人員真係好得。
我未看完你篇文，但我很想先急急回應你一少部份，給我一點時間。
回覆刪除事實，我十分同感你所言香港人跟大陸人比，以我經常接觸，事實我十分認同你的說法。香港人每況越下，早數年，返去大陸，你會發現條街明顯比香港污穢，但現在相比? 我可以好大聲跟大家講，香港的街道上到處都是狗屎、人掉的廁紙，條街污穢到沒人去清理。我每次行路不是望前面，而是望地下，怕踩中地雷。但反而我是見證著大陸的進步與改善。
你個留言之前都跌落垃圾桶，依家搵翻。
刪除如果你成日行嘅路徑都有狗屎，應該係附近住咗一兩個好無公德心嘅狗主（或者外傭），地雷唔駛多，每日兩舊已經好係嘢。
我以前住上環，中上環超多狗主，但唔會有地雷.......。
Hi Ceci, 睇你blog有一段時間了，香港人的整體行為標準下降有很多因素吧，而事實上包容性也低了很多。所以更需要大家分享美好的一切，就算喜好不同，也滿足了我的好奇心，! Cc
回覆刪除多謝到訪留言。
刪除....所以更需要大家分享美好的一切... 呢點我就唔係太同意。其實好嘅、唔好嘅都應該分享，唔係又點教導到人有乜壞例子呢？當然，嘩眾取寵或者只係高登式揭人私隱另計，不過我一向唔贊成隱惡揚善。
立場唔同或興趣各異我都ok的，只要唔太偏激或涉及大事大非。不過分享hobbies我就算唔參與，如果分 享者有pa的ssion或有personal cause,我都會受打動去追看。求全同異同面對short comings檢討同樣重要，我覺得掌握到重心是最難的。而家香港就好似拿不好check and balance，而這現象是整體化的。Anyway,多謝你回應我，寫多的分享!
刪除我岀門也常碰到此類港人、大陸人，一大班人同行，或一家大小, 更加提醒我自己注意言行
回覆刪除他們一是貪小便宜、計較, 或以為在外, 言行放縱、自我，不覺得影響周圍他人
錢多了, 有了錢亦一段長時間, 提升不了質素，始終欠缺教育收養
或以為在外, 言行放縱.....係啦，點解香港人一離開香港，以為周圍無香港人望住，就會攪成咁？真係好失禮。我去韓國唔認自己係香港人，就係因為我知道韓國旅遊區服務業，已將香港遊客歸類標籤咗。
刪除不過有啲人，就算有錢咗幾耐，都唔會提升到質素，我一向都相信，money cannot buy either class or taste.
關於香港人旅行這個問題，其實我都有類似經歷。今年在北海道玩，有一車(big van)香港人，一下車就bilibala，講到天下無敵，像他們才知道全部，其實很多都是‘山埃’資料。我老公就一邊偷笑... 我顧著兒子，沒留意，但聲浪在空曠的地方超明顯！
回覆刪除香港人真係好似愈來愈蠢，定係以前都蠢，只不過有自知知明。
刪除For people in HK, I can't stress enough the importance of "what's in it for me."
回覆刪除現在已經不只這樣，因為對自己生活/香港嘅各種不滿，好多香港人都變成充滿憤怒嘅人，所以少少事就批評發爛，更無禮貌欠修養，成日會搵人出氣嘅一群人喇。
刪除唉，心有同感！社會問題，睇怕情況係唔會好轉的
回覆刪除好耐無見，好嗎？祝生活愉快。
刪除香港應該唔會轉好架喇。