這一篇，輕鬆又短小。
我家狗狗Blaze最近還是很好，不過前夫說，因為她年紀真的很老邁了，現在日間午睡時，即使走近她身旁，她都不會醒繼續睡，可能是聽覺沒有以前好。Blaze是膽子很小算沒安全感的狗狗，所以以前即使在午睡，任何人只要在同一個空間(廳/房)站起來或走動，她都會醒過來，見到是誰動了去哪裡，才會再睡。我們以前亦不可能近距離拍她睡覺的照片，都是靠鏡頭變焦遠遠的拍，前夫說現在可以近拍了！他還說Blaze可能視力也沒以前好，眼神沒有以前神氣。不過，她仍然沒有病痛，已是不幸之中的大幸。無論她仍有多長多短的歲月，我只希望她能在沒有大痛楚的情況下離去。
有天，前夫給我這短短的片段，說想跑動時，Blaze仍是跑得快快的。
另外，經過一番努力，我終於完成了第二幅cubic painting，今次是忙內Jungkook。我這次更悠閒地弄，沒有天天都去弄。Jungkook這一幅要弄的整體時間應該短一些，主要是因為他的上衣全是同一顏色，跟之前Suga那一幅差很遠。其實以好玩角度，我自己比較喜歡多一點顏色變化(所以對Version 3所有背景全黑那一套沒興趣)。現在還有剩下來Jimin，他的衣服也主要是一種顏色，等我悶幾日之後才開始吧。
呻兩句：blogspot更新後真的很煩，留言同睇video都有問題，唉！
回覆刪除Blaze依然好可愛呀，我估如果係妳叫佢，佢嘅反應會更快。
我見到留言，用手機chrome真係無哂任何video！但ipad safari就無問題，電腦都無問題，太奇怪。
刪除其實我前夫講嘢算細聲，可能佢放個電話太近自己，以為好大聲，我講嘢大聲過佢好多架。亦有可能Blaze聽覺真係差咗好多，不過佢如果掛住食草時，有時好專心架。
Blaze 仲好可愛，妳實好掛住佢
回覆刪除我都掛，不過唔會影響我心情，最緊要佢健康開心。
刪除如果同BLAZE多D出去行，佢唔會唔有多D動力？
回覆刪除Blaze非常非常唔鍾意出街，連離開間屋都唔鍾意。放佢去後園玩，佢去個小便就趕返門口等坐低一直等你開門俾佢，真係同佢出去行(每日都有一兩次)，佢都係見到喺屋企附近即刻快跑去門口心急等你開門，我都真係好少見咁宅嘅小狗。不過佢鍾意留喺屋內係我哋未收養佢時，佢舊主人已經有提過。我哋又唔特別係outdoorsy嘅人，配對啱啱好，大家都開心。
刪除Blaze生活得好寫意啊！睇完Jungkook個幅，的確都係Suga件衫特別啲😁
回覆刪除係呀，多顏色變化係靚好多，不過整嘅時間都長好多。
刪除睇唔到Blaze條片呀唔知點解。佢身體好就得啦，祝佢繼續健康快樂！
回覆刪除可能是用手機睇會有問題，應該是blogger更新後至會咁，用電腦應該ok。
刪除